ՀՀ-ում պարտադիր զինվորական ծառայությունից խուսափելը հանգեցնում է անձի նկատմամբ քրեական վարույթի հարուցման և հետախուզման հայտարարման։ Քրեական վարույթի կարճման իրավական ճանապարհը կախված է տվյալ անձի անձնական գործից ու դրանում առկա հանգամանքներից, որոնք անհրաժեշտ է համադրել քրեական վարույթի կարճման համար օրենքով նախատեսված հիմքերի հետ։

ՀՀ քաղաքացիություն ունեցող երկքաղաքացին ՀՀ-ում ճանաչվում է որպես միայն ՀՀ քաղաքացի, ուստի մյուս քաղաքացիների հետ հավասար հիմունքներով կրում է ՀՀ քաղաքացու համար սահմանված բոլոր իրավունքներն ու պարտականությունները։

Առանց օրենքով նախատեսված հիմքի առկայության վարժական հավաքից խուսափելը առաջացնում է քրեական պատասխանատվություն՝ առավելագույնը 2 տարվա ազատազրկմամբ։

Եթե զինվորական կոմիսարիատի կամ վարույթն իրականացնող մարմնի կողմից ուղարկված ծանուցագիրը ետ է ուղարկվել չպահանջված/ծանուցվողի կողմից ծանուցումը հրաժարվելու վերաբերյալ նշումով, ապա ծանուցվողը համարվում է պատշաճ ծանուցված։

Կախված ծանուցագրի բավանդակությունից՝ կարող է առաջանալ վարչական կամ քրեական պատասխանատվություն։ Մանսավորապես՝ եթե ծանուցագիրը վերաբերում է անձնական տվյալների ճշգրտմանը կամ հաշվառման համար ներկայանալուն, ապա չներկայանալն առաջացնում է վարչական պատասխանատվություն, իսկ եթե ծանուցագիրը վերաբերում է պարտադիր զինվորական ծառայության զորակոչվելու համար ներկայանալուն, ապա չներկայանալն առաջացնում է քրեական պատասխանատվություն

Նշված հանգամանքները կարելի է պարզել իրավասու պետական մարմիններին պաշտոնական հարցումներ ուղարկելու միջոցով։

Պատասխան. Ժամանակավոր ՝ մինչև մեկ տարի

Մշտական՝ հինգ տարի

Հատուկ՝տասը տարի

Ժամանակավոր կացության կարգավիճակը տրվում է յուրաքանչյուր օտարերկրացու, եթե նա հիմնավորում է ՀՀ տարածքում մեկ տարի և ավել ժամկետով իր բնակությունը։

Հիմք կարող է հանդիսանալ.

• ուսումը,
• աշխատանքի թույլտվության առկայությունը,
• ՀՀ-ում ժամանակավոր կացության կարգավիճակ ունեցող օտարերկրացու ամուսինը, ծնողը կամ զավակը լինելը,
• ՀՀ-ում քաղաքացու կամ ՀՀ-ում մշտական կամ հատուկ կացության կարգավիճակ ունեցող օտարերկրացու ամուսինը կամ մերձավոր ազգականը (ծնող, զավակ, եղբայր, քույր, տատ, պապ, թոռ) լինելը,
• ՀՀ-ում ձեռնարկատիրական գործունեությամբ զբաղվելը,
• ազգությամբ հայ լինելը,
• օրենքով սահմանված այլ դեպքեր։

Մշտական կացության կարգավիճակը տրվում է յուրաքանչյուր օտարերկրացու, եթե նա.

• ապացուցում է Հայաստանում ՀՀ քաղաքացի հանդիսացող կամ հատուկ կացության կարգավիճակ ունեցող ամուսնու կամ մերձավոր ազգականների (ծնող, զավակ, եղբայր, քույր, տատ, պապ, թոռ) առկայությունը, ՀՀ-ում ապահովված է բնակարանով ու գոյության միջոցներով և մինչև մշտական կացության կարգավիճակ ստանալու համար դիմում ներկայացնելն օրենքով սահմանված կարգով առնվազն երեք տարի բնակվել է ՀՀ-ում,
• իրականացնում է ձեռնարկատիրական գործունեություն ՀՀ-ում,
• ազգությամբ հայ է։

Հայաստանում կացության կարգավիճակի դիմումը հարկավոր է ներկայացնել ՀՀ Ներքին գործերի նախարարության Միգրացիայի և քաղաքացիության ծառայություն։

ԱՄՆ-ում կազմակերպությունների գրանցմամբ զբաղվում է Կալիֆորնիայի Պետքարտուղարությունը (Secretary of State):

Պետք է՝

• ընտրել ընկերության անվանումը և ստուգել արդյոք այն հասանելի է կամ համապատասխանում է բոլոր նախապայմաններին,
• նշանակել պատասխանատու գործակալի, որը հետագայում կստանա ամբողջ նամակագրությունը,
• ներկայացնել ՍՊԸ-ի հիմնադրման կանոնադրությունը/հոդվածները (Articles of Organization) Կալիֆորնայի պետքարտուղարություն
• Հայտը ներկայացնելուց հետո 90 օրվա ընթացքում տրամադրել Տեղեկատվության հայտարարությունը (Statement of Information)
• Մշակել Գործունեության համաձայնագիր, որում նշվում է ՍՊԸ-ի ներքին գործընթացների բոլոր մանրամասները
• Դիմել Աշխատատույի նույնականացման համար (EIN) ստանալու ԱՄՆ Ներքին եկամուտների ծառայությունից:

Այո, կան որոշակի տարբերություններ։ Կորպորացիայի գրանցելու գործընթացը փոքր ինչ ավելի կարճ է։

Հարկավոր է ՝

• Ընտրել ընկերության անվանումը՝ ստուգելով դրա հասանելիությունն ու համապատասխանությունը բոլոր նախապայմաններին
• Նշանակել պատասխանատու գործակալի, որը կլինի ամբողջ նամակագրության հասցեատերը
• Ներկայացնել Հիմնադրման կանոնադրությունը/հոդվածները (Articles of Organization) Կալիֆորնայի Պետքարտուղարություն: